കോഴിക്കോട്: നാഷണല്‍ ഡിഫന്‍സ് അക്കാഡമി, നേവല്‍ അക്കാഡമി പ്രവേശന പരീക്ഷകളുടെ കേരളത്തിലെ കേന്ദ്രങ്ങളായ കൊച്ചി, തിരുവനന്തപുരം എന്നിവിടങ്ങളിലേക്ക് സെപ്റ്റംബര്‍ 5, 6 തീയതികളില്‍ ദക്ഷിണ റെയില്‍വേ പ്രത്യേക ട്രെയിന്‍ സര്‍വീസുകള്‍ നടത്തും

ആറിനാണ് യു. പി. എസ്. സി പരീക്ഷകള്‍ നടക്കുന്നത്. കാസര്‍കോട് നിന്നാണ് അണ്‍ റിസര്‍വ്ഡ് ട്രെയിനുകള്‍ പുറപ്പെടുക. ആലപ്പുഴ വഴി തിരുവനന്തപുരത്തേക്കുള്ള ട്രെയിന്‍ കാസര്‍കോട് നിന്ന് ഇന്ന്  വൈകിട്ട് 6.30ന് പുറപ്പെട്ട് രാത്രി 8:57 ന് കോഴിക്കോട് എത്തി 9:00 ന് പുറപ്പെടുന്ന ട്രെയിന്‍  ആറിന് പുലര്‍ച്ചെ 5.25ന് തിരുവനന്തപുരത്തെത്തും.

നാളെ രാത്രി 9:00 മണിക്ക് തിരുവനന്തപുരത്തു നിന്ന് പുറപ്പെടുന്ന ട്രെയിന്‍  പുലര്‍ച്ചെ 4:55 ന് കോഴിക്കോടും 7.55ന് കാസര്‍കോടും എത്തും.എറണാകുളം ജംഗ്ഷനിലേക്കുള്ള ട്രെയിന്‍ ഇന്ന് രാത്രി 9.30 ന് കാസര്‍കോട് നിന്ന് പുറപ്പെട്ട് പുലര്‍ച്ചെ 12:07 ന് കോഴിക്കോടും 4.50ന് എറണാകുളവുംഎത്തിച്ചേരും. നാളെ രാത്രി 11.30 ന് എറണാകുളത്ത് നിന്ന് പുറപ്പെടുന്ന ട്രെയിന്‍ ഏഴിന് പുലര്‍ച്ചെ 3:37 ന് കോഴിക്കോടും 6.50ന് കാസര്‍കോടും എത്തി ചേരും.