ഡെറാഡൂണ്‍: യുവതിയെ പീഡിപ്പിക്കുകയും ഭീഷണിപ്പെടുത്തുകയും ചെയ്‌തെന്ന പരാതിയില്‍ ബി.ജെ.പി. എം.എല്‍.എയ്‌ക്കെതിരേ പൊലിസ് കേസ്് രജിസ്റ്റര്‍ ചെയ്തു.
ബി.ജെ.പി എം.എല്‍.എ മഹേഷ് സിങ് നേഗിക്കെതിരേയാണ് ഡെറാഡൂണ്‍ പൊലിസ് കേസെടുത്തത്. ഐ.പി.സി376 (ബലാത്സംഗം), 506 (ക്രിമിനല്‍ ഭീഷണിപ്പെടുത്തല്‍) എന്നി വകുപ്പുകള്‍ പ്രകാരമാണ് എഫ്.ഐ.ആര്‍ ഫയല്‍ ചെയ്തത്. എം.എല്‍.എയ്‌ക്കെതിരേ കോസെടുക്കാന്‍ ജില്ലാ കോടതി പൊലിസിന് നിര്‍ദേശം നല്‍കിയിരുന്നു.
ആഗസ്റ്റ് 16നാണ് യുവതി എം.എല്‍.എയ്‌ക്കെതിരേ പരാതി നല്‍കിയത്. ദ്വാരഹത് എം.എല്‍.എ തന്നെ ബലാത്സംഗം ചെയ്തുവെന്ന് ആരോപിച്ച യുവതി തന്റെ കുട്ടിയുമായുള്ള ബന്ധം കണ്ടെത്താന്‍ ഡി.എന്‍.എ പരിശോധനയും ആവശ്യപ്പെട്ടിട്ടുണ്ട്.