ജംഷദ്പൂര്‍: പുതിയ സീസണിന് ഒരുങ്ങുന്നതിന് വേണ്ടി ജംഷഡ്പുര്‍ എഫ്.സി പുതിയൊരു താരത്തെ കൂടി ടീമിലെത്തിച്ചു. ഇംഗ്ലീഷ് സെന്റര്‍ ബാക്ക് പീറ്റര്‍ ഹാര്‍ട്‌ലി ആണ് ജംഷദ്പുര്‍ നിരയിലേക്ക് എത്തുന്നത്. ഒരു വര്‍ഷത്തെ കരാറിലാണ് താരം ജംഷഡ്പുര്‍ എഫ്.സിയിലെത്തുന്നത്. സണ്ടര്‍ലന്‍ഡിലൂടെ കരിയര്‍ തുടങ്ങിയ താരമാണ് പീറ്റര്‍.സ്‌കോടിഷ് ക്ലബായ മതര്‍വെല്‍ ഉള്‍പ്പെടെയുള്ള ക്ലബുകളുടെ നായകനായിട്ടുള്ള താരമാണ് പീറ്റര്‍ ഹാര്‍ട്‌ലി. അവസാന മൂന്ന് സീസണുകളിലായി മതര്‍വെല്‍ ക്ലബിന്റെ പ്രതിരോധ താരമായിരുന്നു ഹാര്‍ട്‌ലി. ബ്ലാക്ക് പൂള്‍, ബ്രിസ്റ്റല്‍ റോവേഴ്‌സ് എന്നീ ക്ലബുകള്‍ക്ക് എല്ലാം വേണ്ടി മുമ്പ് താരം കളിച്ചിട്ടുണ്ട്.