തേഞ്ഞിപ്പലം: സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ 60ാം വാര്‍ഷിക കൗണ്‍സില്‍ മീറ്റ് നാളെ ചേളാരി മുഅല്ലിം പ്രസ്സ് ഓഡിറ്റോറിയത്തില്‍ ചേരും. സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുകോയ തങ്ങളുടെ അധ്യക്ഷതയില്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ മുഖ്യപ്രഭാഷണം നടത്തും. ജനറല്‍ സെക്രട്ടറി ഡോ. ബഹാഉദ്ദീന്‍ മുഹമ്മദ് നദ്‌വി വാര്‍ഷിക റിപ്പോര്‍ട്ട് സമര്‍പ്പിക്കും. കേരളത്തിലും കേരളത്തിനു പുറത്തുമുള്ള 20 ജില്ലകളിലെ 135 കൗണ്‍സിലര്‍മാരാണ് മീറ്റില്‍ സംബന്ധിക്കുന്നത്. പുതിയ ഭാരവാഹികളുടെ തെരഞ്ഞെടുപ്പും ഒരു വര്‍ഷത്തേക്കുള്ള കര്‍മ പദ്ധതി സമര്‍പ്പണവും നടക്കും. കൗണ്‍സിലര്‍മാര്‍ കൃത്യസമയത്ത് സംബന്ധിക്കണമെന്ന് സെക്രട്ടറി അറിയിച്ചു.