നെടുങ്കണ്ടം: മര്‍മ്മാണി തൈല വില്‍പനയുടെ മറവില്‍ കഞ്ചാവ് വില്‍പന നടത്തിയ എറണാകുളം സ്വദേശിയായ യുവാവ് അറസ്റ്റില്‍. മല്ലപ്പുറം പുത്തന്‍പാലത്തുങ്കല്‍ ഷാജിയാണ് (34)അറസ്റ്റിലായത്. കസ്തൂരി ചൂര്‍ണം എന്ന മര്‍മ്മാണി തൈലത്തിന്റെ വില്‍പ്പനക്കാരനാണ് ഷാജി. ഇതിന്റെ മറപിടിച്ചാണ് ഇയാള്‍ കഞ്ചാവ് വില്‍പന നടത്തിയിരുന്നത്.മാരുതി കാറില്‍ നിന്നും 65 ഗ്രാം കഞ്ചാവാണ് പിടിച്ചെടുത്തത്.
പൊലിസ് ഓടിച്ചിട്ടു പിടികൂടി. ചോദ്യംചെയ്യലില്‍ ഇയാള്‍ക്ക് കഞ്ചാവ് എത്തിച്ചുകൊടുക്കുന്ന ചാറമേട് സ്വദേശിയായ പുന്നക്കാട്ടുവീട്ടില്‍ ജോമോനെ അറസ്റ്റ് ചെയ്തു.ഇയാള്‍ ഓടിച്ചിരുന്ന മഹീന്ദ്രാ ജീപ്പില്‍ നിന്നും 35 ഗ്രാം കഞ്ചാവ് കണ്ടെത്തി.തുടര്‍ന്ന് പൊലിസിന്റെ മിന്നല്‍ പരിശോധനയില്‍ കഞ്ചാവു വലിച്ചുകൊണ്ടിരുന്ന നാലു യുവാക്കളെ നെടുങ്കണ്ടം പഞ്ചായത്ത് സ്‌റ്റേഡിയത്തില്‍ നിന്നും പൊലിസ് പിടികൂടി.അടിമാലി വാഴപ്പള്ളില്‍ പ്രമോദ് (24),നെടുങ്കണ്ടം ആശാരികണ്ടം മേക്കരയില്‍ മനു (24),കട്ടപ്പന വള്ളക്കടവ് കളപുരക്കല്‍ അഖില്‍ (22),ആശാരിക്കണ്ടം മൈനാന്‍പറമ്പില്‍ അജാസ് (31) എന്നിവരാണ് അറസ്റ്റിലായത്.