ചെന്നൈ: ട്രെയിനിന്റെ പടിയിലിരുന്ന് യാത്ര ചെയ്തുണ്ടായ അപകടത്തില്‍ യാത്രക്കാരന് ദാരുണാന്ത്യം. കടലൂര്‍ സ്വദേശിയായ ബാലമുരുകനാണ് (24) മരിച്ചത്. വൈഗ എക്‌സപ്രസ് ട്രെയിനിന്റെ പടിയിയിലിരുന്ന് യാത്ര ചെയ്യുകയായിരുന്ന ബാലമുരുകന്‍ കാല്‍ തെന്നി പ്ലാറ്റ് ഫോമിനും ട്രാക്കിനും ഇടയിലേക്ക് വീഴുകയായിരുന്നു. ചെന്നൈ എഗ്മോറില്‍ നിന്ന് പുറപ്പെട്ട ട്രെയിന്‍ സൈദാപേട്ടില്‍ എത്തിയപ്പോഴായിരുന്നു സംഭവം.

ഇന്നലെ ഉച്ചയ്ക്ക് 2.30ഓടെയാണ് അപകടമുണ്ടായത്. ട്രെയിനിലെ ജനറല്‍ കംപാര്‍ട്ട്‌മെന്റില്‍ ആയിരുന്നു ബാലമുരുകന്‍ യാത്ര ചെയ്തത്. ട്രെയിന്‍ സൈദാ പേട്ട സ്റ്റേഷനില്‍ നാലാം നമ്പര്‍ പ്ലാറ്റ് ഫോമിലെത്തിയപ്പോള്‍ പടികളില്‍ ഇരിക്കുകയായിരുന്ന ബാലമുരുകന്‍ മറിഞ്ഞ് ട്രാക്കിലേക്ക് വീഴുകയായിരുന്നു. സംഭവ സ്ഥലത്തുവെച്ച് തന്നെ ബാലമുരുകന്‍ മരിച്ചു.

ജിആര്‍പി സംഭവസ്ഥലത്തെത്തിയാണ് മൃതദേഹം പുറത്തെടുത്തത്.

Passenger Falls from Train Steps and Dies After Hitting Tracks