മലപ്പുറം: ജില്ലാ ആസ്ഥാനത്തു താമരക്കുഴിയില്‍ കുടിവെള്ള പൈപ്പ് പൊട്ടി ശുദ്ധ ജലം പാഴാകുന്നു. പൈപ്പ് പൊട്ടി ദിവസങ്ങളായിട്ടും ജല അതോറിറ്റി നടപടിയെടത്തില്ലെന്നു നാട്ടുകാരുടെ പരാതി. ജല അതോറിറ്റിയുടെ സംഭരണ ടാങ്കിലേക്കു വെള്ളമെത്തിക്കാന്‍ ഉപയോഗിക്കുന്ന വലിയ പൈപ്പാണു പൊട്ടിയിരിക്കുന്നത്.
പൈപ്പ് പൊട്ടിയതിനെ തുടര്‍ന്ന് ജലം പരന്നൊഴുകുന്നതിനാല്‍ ജനങ്ങളുടെ കാല്‍നട യാത്ര ദുസ്സഹമായിരിക്കുകയാണ്. താമരക്കുഴിയിലും പരിസരത്തും പൈപ്പ് പൊട്ടല്‍ പതിവാണെങ്കിലും ബന്ധപ്പെട്ടവര്‍ യാതൊരു നടപടിയും എടുക്കാറില്ലെന്നാണു നാട്ടുകാരുടെ പരാതി.