സിയൂള്‍: ഇരുകൊറിയകളും തമ്മിലുള്ള സൗഹൃദത്തിലേക്കു പുതിയ ചുവടുവയ്പ്പുമായി ദക്ഷിണ കൊറിയ. അടുത്തയാഴ്ച ഉത്തര കൊറിയയിലേക്ക് പ്രത്യേക ദൂതനെ അയക്കുമെന്ന് ദ.കൊറിയ അറിയിച്ചു. ദ.കൊറിയന്‍ പ്രസിഡന്റ് മൂണ്‍ ജെ. ഇന്നിന്റെ പ്രതിനിധിയെയാണ് അയക്കുന്നതെന്ന് അദ്ദേഹത്തിന്റെ ഓഫിസ് അറിയിച്ചു.
അടുത്ത ബുധനാഴ്ച ഉ.കൊറിയന്‍ തലസ്ഥാനമായ പ്യോങ്‌യാങ്ങില്‍ ദൂതന്‍ എത്തും. ഇന്നലെയാണ് ദൂതനെ അയക്കാന്‍ തീരുമാനമായത്. ഇക്കാര്യം ഉ.കൊറിയയെ വിളിച്ചറിയിക്കുകയും അവര്‍ സ്വാഗതം ചെയ്യുകയുമായിരുന്നു. ദൂതന്‍ ആരാകണമെന്ന കാര്യത്തില്‍ തീരുമാനമായിട്ടില്ലെന്ന് മൂണ്‍ ജെ. ഇന്നിന്റെ വക്താവ് കിം യൂയ് ക്യോം മാധ്യമപ്രവര്‍ത്തകരോട് പറഞ്ഞു.