നാലാംമൈല്‍: കാര്‍ തടഞ്ഞു നിര്‍ത്തി യുവാവിനെ ആക്രമിക്കുകയും കാര്‍ തല്ലി തകര്‍ക്കുകയും ചെയ്തതായി പരാതി. സന്തോഷ് നഗറിലെ മുഹമ്മദിന്റെ മകന്‍ ഇര്‍ഷാദി (27)നെയാണ് അക്രമിച്ചത്.  മൂന്നംഗ സംഘത്തിന്റെ അക്രമത്തില്‍ പരുക്കേറ്റ ഇര്‍ഷാദിനെ ഇ.കെ നായനാര്‍ ആശുപത്രിയില്‍ പ്രവേശിപ്പിച്ചു. ഇന്നലെ വൈകിട്ട് പാണലത്ത് വച്ചാണ് സംഭവം. കൂടെയുണ്ടായിരുന്ന സുഹൃത്ത് അബൂബക്കര്‍ സിദ്ദിഖിനും മര്‍ദനമേറ്റു. ക്രിക്കറ്റ് സ്റ്റമ്പ് അടക്കമുള്ളവ ഉപയോഗിച്ചാണ് അക്രമിച്ചതെന്ന് ഇര്‍ഷാദ് പറഞ്ഞു.
മാസങ്ങള്‍ക്ക് മുമ്പുണ്ടായ ഒരു പ്രശ്‌നവുമായി ബന്ധപ്പെട്ട രണ്ടുപേര്‍ ഇര്‍ഷാദിനൊപ്പം കാറില്‍ ഉണ്ടായിരുന്നുവത്രെ. ഇവരെ ലക്ഷ്യം വച്ചായിരുന്നു ആക്രമണമെന്നു പറയുന്നു. റംഷീദ്, റമീസ്, അലീഫ് എന്നിവര്‍ക്കെതിരേ ഇര്‍ഷാദ് പൊലിസില്‍ പരാതി നല്‍കി.