ന്യു ഡല്‍ഹി: ലോക്‌സഭ തെരഞ്ഞെടുപ്പിന്റെ അഞ്ചാം ഘട്ടത്തില്‍ വോട്ടെടുപ്പ് നടക്കുന്ന 51 മണ്ഡലങ്ങളില്‍ ഇന്ന് പരസ്യ പ്രചാരണം തീരും.
യുപിയില്‍ 14 ഉം രാജസ്ഥാനില്‍ 12 ഉം ബംഗാളിലും മധ്യപ്രദേശിലും ഏഴു വീതം സീറ്റിലും ബിഹാറില്‍ അഞ്ചും ജാര്‍ഖണ്ഡില്‍ നാലും കശ്മീരില്‍ രണ്ടും സീറ്റിലാണ് അഞ്ചാം ഘട്ടത്തില്‍ വോട്ടെടുപ്പ് നടക്കുന്നത്.
രാഷ്ട്രീയ പാര്‍ട്ടികളെല്ലാം ശക്തമായ പ്രചാരണവും പുതിയ തന്ത്രങ്ങളുമായാണ് മണ്ഡലങ്ങളില്‍ നിറയുന്നത്.
രാഹുല്‍ ഗാന്ധിയും സ്മൃതി ഇറാനിയും മല്‍സരിക്കുന്ന അമേഠിയില്‍ കൊട്ടിക്കലാശത്തിന് ബിജെപി അധ്യക്ഷന്‍ അമിത് ഷാ റോഡ് ഷോയില്‍ പങ്കെടുക്കുന്നുണ്ട്. റായ്ബറേലിയും ഈ ഘട്ടത്തിലാണ് തിരഞ്ഞെടുപ്പ്.

പ്രിയങ്ക ഗാന്ധി അമേഠിയിലും റായ് ബറേലിയിലും കേന്ദ്രീകരിച്ചാണ് യുപിയില്‍ പ്രചാരണം നടത്തിയത്. േപ്രധാനമന്ത്രി നരേന്ദ്രമോദി യുപിയിലും ബിഹാറിലും ഇന്ന് പ്രചാരണം നടത്തും.