മലപ്പുറം: സംസ്ഥാനത്തെ അംഗീകാരം ഇല്ലാത്ത സ്ഥാപനങ്ങളില്‍ പഠിക്കുന്ന കുട്ടികള്‍ക്ക് സ്‌കൂള്‍ മാറുന്നതിന് അനുമതി. ഒന്നു മുതല്‍ ഒന്‍പതു വരെ ക്ലാസുകളില്‍ പഠിക്കുന്ന കുട്ടികള്‍ക്കാണ് തുടര്‍ പഠനം സാധ്യമാക്കുന്നതിനായി സ്‌കൂള്‍ മാറ്റത്തിന് ഈ ഘട്ടത്തില്‍ അവസരം നല്‍കിയിരിക്കുന്നത്. അംഗീകാരം ഇല്ലാത്ത സ്‌കൂളുകള്‍ക്ക് പരീക്ഷ നടത്താനും വിടുതല്‍ സര്‍ട്ടിഫിക്കറ്റ് നല്‍കാനും അധികാരമില്ലെന്നാണ് പൊതുവിദ്യാഭ്യാസ വകുപ്പ് പറയുന്നത്്.
അംഗീകാരമുള്ള സ്‌കൂളുകളില്‍ രണ്ടു മുതല്‍ എട്ടു വരെ ക്ലാസുകളില്‍ വിദ്യാഭ്യാസ അവകാശ നിയമപ്രകാരം വയസ് അടിസ്ഥാനത്തില്‍ പ്രവേശനം ലഭിക്കും. ഒന്‍പത്, പത്ത് ക്ലാസുകളില്‍ വയസിന്റെയും പ്രവേശന പരീക്ഷയുടെയും അടിസ്ഥാനത്തിലാണ് ഈ അധ്യയന വര്‍ഷത്തേക്കുമാത്രമായി പ്രവേശനം അനുവദിച്ചിരിക്കുന്നത്.