ലണ്ടന്‍: ഇംഗ്ലീഷ് പ്രീമിയര്‍ ലീഗിലെ ആദ്യ നാലില്‍ ആരെല്ലാം ഉള്‍പ്പെടുമെന്നത് പ്രവചിക്കാനാകാതെ തുടരുകയാണ്. ഇന്നലെ നടന്ന മത്സരത്തില്‍ മൂന്നാം സ്ഥാനത്തുണ്ടായിരുന്ന ടോട്ടനം പരാജയപ്പെട്ടതോടെയാണ് ചാംപ്യന്‍സ് ലീഗ് യോഗ്യതക്കുള്ള പോരാട്ടത്തിന് ശക്തി കൂടിയത്.
പ്രീമിയര്‍ ലീഗില്‍ തുടര്‍ച്ചയായ ര@ണ്ടാം മത്സരത്തിലും പരാജയപ്പെട്ട ടോട്ടന്‍ഹാമിന് ഇനി ചാംപ്യന്‍സ് ലീഗ് യോഗ്യത ഉറപ്പിക്കണമെങ്കില്‍ അവസാന മത്സരം വരെ കാത്തുനില്‍ക്കേ@ണ്ടി വരും. ഇന്നലെ നടന്ന മത്സരത്തില്‍ ബേണ്‍മൗത്താണ് സ്പര്‍സിനെ പരാജയപ്പെടുത്തിയത്. എതിരില്ലാത്ത ഒരു ഗോളിനായിരുന്നു ടോട്ടനത്തിന്റെ തോല്‍വി. മികച്ച രീതിയില്‍ കളിച്ച ടോട്ടനത്തിന് വിനയായത് ര@ണ്ട് ചുവപ്പു കാര്‍ഡുകളാണ്. ആദ്യം സൂപ്പര്‍ താരം സോണും പിന്നെ രണ്ട@ാം പകുതിയില്‍ ഫോയ്തും ആണ് ചുവപ്പ് കാര്‍ഡ് വാങ്ങി പുറത്തു പോയത്. ബേണ്‍മൗത്തിന് വേണ്ടി നേതന്‍ ഐക് ആണ് 90ാം മിനുട്ടില്‍ ഹെഡറിലൂടെ വിജയ ഗോള്‍ നേടിയത്.
ടോട്ടന്‍ഹാമിന്റെ തുടര്‍ച്ചയായ ആറാം എവേ പരാജയമാണിത്. 37 മത്സരങ്ങള്‍ കഴിഞ്ഞപ്പോള്‍ 70 പോയിന്റുമായി മൂന്നാം സ്ഥാനത്താണ് ടോട്ടന്‍ഹാം നില്‍ക്കുന്നത്. 68 പോയിന്റുമായി ചെല്‍സിയും 66 പോയിന്റുമായി ആഴ്‌സനലും ടോട്ടന്‍ഹാമിന്റെ പിറകിലു@ണ്ട്. മറ്റു മത്സരങ്ങളില്‍ എവര്‍ട്ടന്‍ ഏകപക്ഷീയമായ രണ്ട് ഗോളിന് ബേണ്‍ലിയെ തോല്‍പ്പിച്ചപ്പോള്‍ വെസ്റ്റ്ഹാം സതാംപ്ടനെ മൂന്ന് ഗോളിന് തകര്‍ത്തു. ഫുള്‍ഹാമിനെതിരേ വോള്‍വ്‌സും വിജയം നേടി.