ഡെറാഡൂണ്‍: വിവാഹവേദിയില്‍ സവര്‍ണരുടെ മുന്‍പില്‍ വച്ച് ഭക്ഷണം കഴിച്ചതിന് ദലിത് യുവാവിനെ കൊലപ്പെടുത്തി. തെഹ്്‌രി ഗര്‍വാള്‍ ജില്ലയില്‍ കഴിഞ്ഞ ഏപ്രില്‍ 26നാണ് വിവാഹം നടന്നത്. വേദിയില്‍ നല്‍കിയ ഭക്ഷണം സവര്‍ണര്‍ക്ക് മുന്‍പില്‍ വച്ച് കഴിച്ചതാണ് പ്രകോപനത്തിന് കാരണമായത്. മര്‍ദനമേറ്റ് അവശനിലയിലായ ജിതേന്ദ്ര ദാസ് ഡെറാഡൂണിലെ ആശുപത്രിയില്‍ ചികിത്സയിലായിരുന്നു. സംഭവവുമായി ബന്ധപ്പെട്ട് മൂന്നുപേരെ പൊലിസ് അറസ്റ്റ് ചെയ്തു. യുവാവിനെ മര്‍ദിച്ച കേസില്‍ നാലുപേരെകൂടി പൊലിസ് അന്വേഷിക്കുന്നുണ്ട്. ഇവര്‍ ഒളിവിലാണെന്നാണ് വിവരം.