മട്ടന്നൂര്‍: പാലോട്ടുപള്ളി റെയിഞ്ച് ജംഇയ്യതുല്‍ മുഅല്ലിമീന്റെ ആഭിമുഖ്യത്തില്‍ മുഅല്ലിം ഡേ ആചരണത്തിന്റെ റൈഞ്ച്തല ഉദ്ഘാടനം പാലോട്ടുപള്ളി നൂറുല്‍ ഇസ്‌ലാം മദ്‌റസയില്‍ നടന്നു. അബ്ദുല്ലാഹ് ഹുദവി മലയമ്മ ഉദ്ഘാടനം ചെയ്തു. അബ്ദുല്‍ കരീം അസ്ഹരി പ്രമേയ പ്രഭാഷണം നടത്തി. ജനറല്‍ സെക്രട്ടറി മിഖ്ദാദ് ഫൈസി ഇര്‍ഫാനി, എ.കെ അബ്ദുറഹ്മാന്‍ ഫൈസി, ഇ.പി ശംസുദീന്‍, യു. റശീദ്, ഷംസീര്‍ മൗലവി സംസാരിച്ചു. സുന്നി ബാലവേദിയുടെ 'ഗുരുമുഖത്ത്' പരിപാടിയുടെ റെയിഞ്ച്തല ഉദ്ഘാടനവും ഇതോടൊപ്പം നടന്നു.
പാനൂര്‍: പാറാട് റെയിഞ്ച്തല മുഅല്ലിം ഡേ നൂറുല്‍ ഹുദാ മദ്‌റസയില്‍ ഇ.എം ബഷീര്‍ ഉദ്ഘാടനം ചെയ്തു. ആമയൂര്‍ മുഹമ്മദ് മുസ്‌ലിയാര്‍ അധ്യക്ഷനായി. മുഹമ്മദ് കുഞ്ഞി മുസ്‌ലിയാര്‍ പ്രാര്‍ഥന നടത്തി. സിദീഖ് ലത്തീഫി, ജലാലുദീന്‍ ഫൈസി, അബ്ദുല്ല പൂതങ്കോട്, മുഹമ്മദലി ഫൈസി മട്ടന്നൂര്‍, മുഹമ്മദ് നിസാമി സംസാരിച്ചു. ജംഇയ്യത്തുല്‍ മുഅല്ലിമീന്‍ അറുപതാം വാര്‍ഷിക പ്രചരണാര്‍ഥം പോസ്റ്റര്‍ രചനാ, പ്രസംഗ മത്സരവും നടത്തി.