കണ്ണൂര്‍: ദുബൈ സര്‍ക്കാര്‍ നടത്തുന്ന ദുബൈ ഇന്റര്‍നാഷനല്‍ 23ാമത് ഹോളി ഖുര്‍ആന്‍ അവാര്‍ഡ് പരിപാടിക്കു സമസ്ത കേന്ദ്ര സെക്രട്ടറി പി.പി ഉമര്‍ മുസ്‌ലിയാര്‍ക്കു ക്ഷണം. ഇസ്‌ലാമിക് പ്രബോധന രംഗത്തെ സേവനം മുന്‍നിര്‍ത്തിയാണു ക്ഷണം. ലോകത്തിലെ വിവിധ രാജ്യങ്ങളില്‍ നിന്നുള്ള ഇസ്‌ലാമിക പണ്ഡിതര്‍ ഹോളി ഖുര്‍ആന്‍ അവാര്‍ഡ് ചടങ്ങില്‍ പങ്കെടുക്കുന്നുണ്ട്.
യു.എ.ഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിന്‍ റാഷിദ് അല്‍ മഖ്തൂം ആണ് പരിപാടിയുടെ രക്ഷാധികാരി. 16നു നടക്കുന്ന ഖുര്‍ആന്‍ സംബന്ധിച്ച പ്രഭാഷണം നടത്താനാണ് ഉമര്‍ മുസ്‌ലിയാര്‍ക്ക് ദുബൈ സര്‍ക്കാരില്‍ നിന്ന് ക്ഷണം ലഭിച്ചത്.