തൃശൂര്‍: തൃശൂര്‍ പൂരവുമായി ബന്ധപ്പെട്ട് നിലവില്‍ യാതൊരു പ്രതിസന്ധിയും ഇല്ലെന്നും മുന്‍വര്‍ഷത്തേക്കാള്‍ ഭംഗിയായി നടത്തുമെന്നും ദേവസ്വം മന്ത്രി കടകംപള്ളി സുരേന്ദ്രന്‍.
തെച്ചിക്കോട്ടുകാവ് രാമചന്ദ്രനെ എഴുന്നള്ളിക്കുന്നതില്‍ ഇന്ന് കോടതി വിധി വരുന്നുണ്ട്. വനംവകുപ്പിന്റെ നിര്‍ദേശങ്ങളും കൂടി പരിഗണിച്ച് വിഷയത്തില്‍ നിയമോപദേശം തേടുമെന്നും ആനയുടമകളുമായുള്ള ചര്‍ച്ചയ്ക്കു ശേഷം മന്ത്രി പ്രതികരിച്ചു. സുരക്ഷാപ്രശ്‌നങ്ങള്‍ ചൂണ്ടിക്കാട്ടിയുള്ള സാങ്കേതികത്വമാണ് രാമചന്ദ്രന്റെ എഴുന്നള്ളിപ്പുമായി നിലവിലുള്ള പ്രശ്‌നം. ഹൈക്കോടതി വിധി വരുന്ന പശ്ചാത്തലത്തില്‍ ഇക്കാര്യത്തില്‍ തുടര്‍നടപടി കൈക്കൊള്ളുമെന്നും മന്ത്രി പറഞ്ഞു.