കേരള സ്റ്റേറ്റ് ഇന്‍സ്റ്റിറ്റ്യൂട്ട് ഓഫ് ഡിസൈനില്‍ പോസ്റ്റ് ഗ്രാജുവേറ്റ് ഡിപ്ലോമ ഇന്‍ ഐ.ടി ഇന്റഗ്രേറ്റഡ് കമ്മ്യൂണിക്കേഷന്‍ ഡിസൈന്‍, ടെക്സ്റ്റയില്‍ ആന്‍ഡ് അപ്പാരല്‍ ഡിസൈന്‍, ഇന്റഗ്രേറ്റഡ് ലൈഫ്‌സ്‌റ്റൈല്‍ പ്രോഡക്ട് ഡിസൈന്‍ എന്നീ പി.ജി ഡിപ്ലോമ കോഴ്‌സുകളില്‍ ഏതാനും സീറ്റുകള്‍ ഒഴിവുണ്ട്.

ഏതെങ്കിലും വിഷയത്തില്‍ ബിരുദത്തിന് 55 ശതമാനം മാര്‍ക്കുള്ള താല്‍പര്യമുള്ള വിദ്യാര്‍ഥികള്‍ 1,000 രൂപ അപേക്ഷാ ഫീസ് കെ.എസ്.ഐ.ഡി ബാങ്ക് അക്കൗണ്ടില്‍ ഒടുക്കിയതിന്റെ തെളിവ് സഹിതം നിശ്ചിത മാതൃകയില്‍ 25ന് മുമ്പ് അപേക്ഷിക്കണം. അപേക്ഷയും മറ്റു രേഖകളും [email protected]ലേക്ക് അയക്കണം. 26ന് ഓണ്‍ലൈനായി ഡിസൈന്‍ അഭിരുചി ടെസ്റ്റും തുടര്‍ന്ന് അഭിമുഖവും നടത്തി അതിന്റെ അടിസ്ഥാനത്തില്‍ അഡ്മിഷന്‍ നടത്തും. ടെസ്റ്റിന്റെ സമയവും മറ്റു വിവരങ്ങളും അപേക്ഷകരെ നേരിട്ട് അറിയിക്കും. വിശദവിവരങ്ങള്‍ കെ.എസ്.ഐ.ഡി വെബ്‌സൈറ്റില്‍ (www.ksid.ac.in) ലഭ്യമാണ്.