കോഴിക്കോട്: കാലിക്കറ്റ് യൂനിവേഴ്‌സിറ്റി യൂനിയന്‍ തെരഞ്ഞെടുപ്പില്‍ ജില്ലയില്‍ കെ.എസ്.യു-എം.എസ്.എഫ് സഖ്യത്തിനു വന്‍ മുന്നേറ്റം. എസ്.എഫ്.ഐയുടെ കുത്തക കോളജുകളില്‍ വന്‍ മുന്നേറ്റം നടത്തിയാണ് സഖ്യം പലയിടങ്ങളിലും സീറ്റുകള്‍ നേടിയത്. അതേസമയം ജില്ലയിലെ മുഴുവന്‍ ഗവ. കോളജുകളില്‍ എസ്.എഫ്.ഐ ആധിപത്യം സ്ഥാപിച്ചു.
മലബാര്‍ ആര്‍ട്‌സ് കോളജ് മൂടാടി, എ.വി.എച്ച് ആര്‍ട്‌സ് മേപ്പയ്യൂര്‍, ഗോള്‍ഡന്‍ ഹില്‍സ് വട്ടോളി, എം.എ.എം.ഒ മുക്കം, എം.ഇ.എസ് ചാത്തമംഗലം, ചെറുവറ്റ മോകാസ്, എ.ഡബ്ല്യു.എച്ച് കല്ലായ്, ജെ.ഡി.റ്റി ആര്‍ട്‌സ്, സില്‍വര്‍ഹില്‍സ് കോളജ് പേരാമ്പ്ര എന്നിവിടങ്ങളില്‍ യു.ഡി.എസ്.എഫ് സഖ്യമായും ഫാറൂഖ് കോളജ്, ഫാറൂഖ് റൗളത്ത്, ഇലാഹിയ്യ കൊയിലാണ്ടി, ദാറുന്നുജൂം പേരാമ്പ്ര, ഐഡിയല്‍ പേരാമ്പ്ര, എസ്.എം.ഐ ചേമ്പാല, എം.എച്ച്.ഇ.എസ് ചെരണ്ടത്തൂര്‍, എം.ഇ.എസ് വില്ല്യാപ്പള്ളി, കെ.എം.ഒ കൊടുവള്ളി, കെ.എം.ഒ.ബി എഡ്, ബൈത്തുല്‍ ഇസ്സ നരിക്കുനി, സുന്നിയ്യ ചേന്ദമംഗലൂര്‍, പുളിയാവ് നാഷനല്‍ കോളജ് നാദാപുരം, എം.എച്ച് അടുക്കത്ത്, എം.ഇ.ടി നദാപുരം, എസ്.ഐ ആര്‍ട്‌സ് എസ്.ഐ വുമണ്‍സ്, അല്‍ഫുര്‍ഖാന്‍, ഹൈടെക് നദാപുരം സി.എസ്.ഐ കോളജ്, സലഫി അറബിക് കോളജ് മേപ്പയ്യൂര്‍, എന്നിവിടങ്ങളില്‍ എം.എസ്.എഫ് ഒറ്റയ്ക്കും യൂനിയന്‍ നിലനിര്‍ത്തി.
ദേവഗിരി കോളജില്‍ എസ്.എഫ്.ഐയില്‍ നിന്ന് കെ.എസ്.യു യൂനിയന്‍ തിരിച്ചുപിടിച്ചു. ഹോളിക്രോസ് കോളജിലും കെ.എസ്.യു ഒറ്റയ്ക്ക് മത്സരിച്ച് യൂനിയന്‍ നേടി. കാലങ്ങളായി എസ്.എഫ്.ഐ കുത്തകയാക്കി ഭരിക്കുന്ന ചേളന്നൂര്‍ ശ്രീനാരായണ ബി എഡ് കോളജില്‍ ഒരു സീറ്റ് കെ.എസ്.യു നേടി. കോഴിക്കോട് മീഞ്ചന്ത ആര്‍ട്‌സ് കോളജില്‍ മൂന്നു സീറ്റുകളും കൊടുവള്ളി ഗവ. കോളജില്‍ ജനറല്‍ ക്യാപ്റ്റനടക്കം നാലോളം സീറ്റുകളും ബാലുശ്ശേരി ഗവ. കോളജില്‍ വൈസ് ചെയര്‍പേഴ്‌സന്‍ അടക്കം രണ്ടു സീറ്റുകളും എം.എസ്.എഫ് നേടി.
മലബാര്‍ ക്രിസ്ത്യന്‍ കോളജ്, ഗവ. ആര്‍ട്‌സ് ആന്‍ഡ് സയന്‍സ് കോളജ് മീഞ്ചന്ത, ഗുരുവായൂരപ്പന്‍ കോളജ്, ഗവ. കോളജ് മടപ്പള്ളി, ഗവ. കോളജ് കോടഞ്ചേരി, സി.കെ.ജി ഗവ. കോളജ് പേരാമ്പ്ര, മുചുകുന്ന് എസ്.എ.ആര്‍.ബി.ടി.എം ഗവ. കോളജ്, ചേളന്നൂര്‍ എസ്.എന്‍ കോളജ്, മൊകേരി ഗവ. കോളജ്, കുന്ദമംഗലം ഗവ. കോളജ് നാദാപുരം ഐ.എച്ച്.ആര്‍.ഡി കോളജ്, കൊയിലാണ്ടി എസ്.എന്‍.ഡി.പി കോളജ്, ഗവ. കോളജ് ബാലുശേരി, സി.എച്ച് മുഹമ്മദ് കോയ മെമ്മോറിയല്‍ ഗവ. കോളജ് കൊടുവള്ളി, കൊയിലാണ്ടി ഗുരുദേവ കോളജ്, മാത്തറ പി.കെ കോളജ്, കുറ്റ്യാടി സഹകരണ കോളജ്, മുക്കം ഐ.എച്ച്.ആര്‍.ഡി കോളജ്, താമരശേരി ഐച്ച്.ആര്‍.ഡി കോളജ്, കോഴിക്കോട് കിളിയനാട് ഐ.എച്ച്.ആര്‍.ഡി കോളജ്, ചേളന്നൂര്‍ എസ്.എന്‍ ബി എഡ് കോളജ്, ബാലുശേരി ഗോകുലം കോളജ്, സാവിത്രീദേവി സാബു മൊമ്മോറിയല്‍ കോളജ് എന്നിവിടങ്ങളില്‍ യൂനിയന്‍ എസ്.എഫ്.ഐക്കാണ്.
എസ്.എഫ്.ഐക്ക് 61 യു.യു.സിമാരെയും എം.എസ്.എഫിന് 49 യു.യു.സിമാരെയും കെ.എസ്.യുവിന് 13 യു.യു.സിമാരെയുമാണ് ജില്ലയില്‍ നിന്നും വിജയിപ്പിക്കാനായത്.