തിരൂര്‍: സുപ്രഭാതം ദിനപത്രത്തിന്റെ അഞ്ചാംവാര്‍ഷിക കാംപയിന്റെ ഭാഗമായി കൂടുതല്‍ വരിക്കാരെ ചേര്‍ക്കുന്നവര്‍ക്ക് അരലക്ഷം രൂപയുടെ സൂപര്‍ ഓഫറുകള്‍ എസ്.കെ.ജെ.എം മലപ്പുറം വെസ്റ്റ് ജില്ലാ കമ്മിറ്റി പ്രഖ്യാപിച്ചു. മദ്‌റസാ തലങ്ങളില്‍ നൂറിന് മുകളില്‍ കൂടുതല്‍ വാര്‍ഷിക വരിക്കാരെ ചേര്‍ക്കുന്ന ആദ്യത്തെ രണ്ട് ഉസ്താദുമാര്‍ക്ക് പതിനായിരം രൂപയും ഏഴായിരം രൂപയും യഥാക്രമം ഒന്നും രണ്ടും സമ്മാനങ്ങള്‍ നല്‍കും.
റെയ്ഞ്ച്തലത്തില്‍ അഞ്ഞൂറിന് മുകളില്‍ വാര്‍ഷിക വരിക്കാരെ ചേര്‍ക്കുന്ന ഒന്ന്, രണ്ട് സ്ഥാനക്കാര്‍ക്ക് പതിനായിരം, ഏഴായിരം എന്ന രീതിയിലും മേഖലാ തലത്തില്‍ രണ്ടായിരത്തി അഞ്ഞൂറിനു മുകളില്‍ വാര്‍ഷിക വരിക്കാരെ ചേര്‍ക്കുന്നവര്‍ക്ക് ഒന്നാം സമ്മാനം പതിനായിരം രൂപയും രണ്ടാം സമ്മാനം ആറായിരം രൂപയും നല്‍കുമെന്ന് ഭാരാവാഹികള്‍ പറഞ്ഞു.
ഈ ഓഫറുകള്‍ സെപ്തംബര്‍ പതിനഞ്ചിന് മുന്‍പായി സംഖ്യയും ലിസ്റ്റും എല്‍പിക്കുന്നവര്‍ക്ക് മാത്രമായിരിക്കും.