ന്യൂഡല്‍ഹി: കാര്‍ഷിക ബില്ലിനെ ചൊല്ലി പാര്‍ലമെന്റില്‍ ഇന്നും ബഹളം. പുറത്താക്കിയ അംഗങ്ങള്‍ക്ക് ഐക്യദാര്‍ഢ്യം പ്രഖ്യാപിച്ചു കൊണ്ട് ആദ്യം രാജ്യസഭയും പിന്നീട് ലോകസഭയും പ്രതിപക്ഷകക്ഷികള്‍ ഇന്ന് ബഹിഷ്‌കരിച്ചു.

അതേസമയം രാജ്യസഭയില്‍ സസ്‌പെന്‍ഡ് ചെയ്ത അംഗങ്ങളെ അവര്‍ മാപ്പുപറഞ്ഞാല്‍ തിരിച്ചെടുക്കാമെന്ന നിലപാടിലാണ് ഉപരാഷ്ട്രപതിയും രാജ്യസഭ അദ്ധ്യക്ഷനുമായ വെങ്കയ്യ നായിഡു. എന്നാല്‍ വെങ്കയ്യ നായിഡുവിന്റെ നിലപാട് പ്രതിപക്ഷം തള്ളി.എന്നാല്‍ പ്രതിപക്ഷത്തിന്റെ പ്രതിഷേധത്തിന് പ്രധാനമന്ത്രി മറുപടി നല്‍കിയില്ല. ഇന്നലെ സസ്‌പെന്‍ഷനിലായ എം.പിമാര്‍ പാര്‍ലമെന്റ് പരിസരത്ത് നടത്തി വന്ന ധര്‍ണ്ണ അവസാനിപ്പിച്ചിട്ടുണ്ട്.

https://twitter.com/ANI/status/1308361704879747072