എടപ്പാള്‍: വിദ്യാര്‍ഥികള്‍ക്കിടയില്‍  പുകയില ഉല്‍പന്നങ്ങള്‍ വില്‍പന നടത്തിയ കേസില്‍ കടയുടമ പിടിയില്‍. എടപ്പാള്‍ പയ്യങ്ങാട് റോഡില്‍  പ്രവര്‍ത്തിക്കുന്ന സ്ഥാപനമുടമയെയാണു പൊന്നാനി സി.ഐ.ശശിധരന്‍ മേലയിലന്റെ നേതൃത്വത്തിലുള്ള  പൊലിസ് സംഘം അറസ്റ്റ് ചെയ്തത്. കടയില്‍ നിന്നും പുകയില ഉല്പന്നങ്ങളും  പിടികൂടി. വിദ്യാര്‍ഥികള്‍ക്കിടയില്‍ ലഹരി ഉല്‍പന്നങ്ങളുടെ ഉപയോഗം വ്യാപകമാകുന്നു എന്ന  വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് ഇയാള്‍ പിടിയിലായത്. കഴിഞ്ഞ  ദിവസങ്ങള്‍ക്കുള്ളില്‍ സമാന കേസില്‍ നിരവധി പേരാണു പൊലിസിന്റെ പിടിയിലായത്.