പരപ്പനങ്ങാടി: അരക്കു താഴെ ചലനശേഷിയും സംസാരശേഷിയും നഷ്ടപ്പെട്ട പരപ്പനങ്ങാടി ട്രക്കര്‍ സ്റ്റാന്റിലെ ഡ്രൈവര്‍ കാഞ്ഞിക്കല്‍ മുസ്തഫയുടെ മകള്‍ ഫാത്തിമ നിദ (10)യുടെ തുടര്‍ചികിത്സക്ക് വേണ്ടിയുള്ള സഹായ ഫണ്ടിലേക്ക് പരപ്പനങ്ങാടി പൊലിസ് വക സഹായ ഹസ്തം. സംസ്ഥാനത്ത് പൊലിസുകാരുടെ സാമൂഹ്യ പ്രവര്‍ത്തന രംഗം പരിപോഷിപ്പിക്കുന്നതിനു വേണ്ടി തുടക്കമിട്ട  മേഴ്‌സി കോപ്‌സ് വകയാണ് ആദ്യ ഘട്ട തുകയായി പതിനായിരം രൂപ നല്‍കിയത്. പരപ്പനങ്ങാടി എസ്.ഐ കെ.ജെ ജിനേഷ് ഫാത്തിമാ നിദയുടെ പിതാവ് കാഞ്ഞിക്കല്‍ മുസ്തഫക്ക് ഫണ്ട് കൈമാറി.
ചടങ്ങില്‍ എ.എസ്.ഐമാരായ പുഷ്പാകരന്‍, സുബ്രമണ്യന്‍, പരപ്പനങ്ങാടി ട്രാക്കര്‍ സ്റ്റാന്റ് കോര്‍ഡിനേഷന്‍ കമ്മിറ്റി പ്രസിഡന്റ് ടി കുട്ട്യാവ, സെക്രട്ടറി പി. അബ്ദുല്‍ഗഫൂര്‍ എന്നിവര്‍ പങ്കെടുത്തു.