ഗൂഡല്ലൂര്‍: കൃഷിയിടത്തിലെ കമ്പി വേലിയില്‍ കുടുങ്ങിയ പുലിയെ വനം വകുപ്പ് അധികൃതര്‍ രക്ഷപ്പെടുത്തി.കോത്തഗിരിക്ക് സമീപം തീനട്ടി ഗ്രാമത്തിലെ സ്വകാര്യ വ്യക്തിയുടെ കൃഷിയിടത്തിലെ കമ്പിവേലിയിലാണ് കഴിഞ്ഞദിവസം പുള്ളിപ്പുലി കുടുങ്ങിയത്. പുലിയെ കണ്ട നാട്ടുകാര്‍ വനം വകുപ്പിനെ വിവരമറിയിക്കുകയായിരുന്നു.
 തുടര്‍ന്നെത്തിയ ഉദ്യോഗസ്ഥര്‍ മയക്ക്‌വെടി വച്ചാണ് പുലിയെ രക്ഷപ്പെടുത്തിയത്. പ്രാഥമിക ചികിത്സ നല്‍കിയ ശേഷം കൂട്ടിലടച്ച പുലിയെ പിന്നീട് അവലാഞ്ചി വനത്തില്‍ തുറന്നുവിട്ടു.