പേരാമ്പ്ര: എസ്.എസ്.എല്‍.സി പരീക്ഷയില്‍ പേരാമ്പ്ര മേഖലയിലെ രണ്ടു സ്‌കൂളുകള്‍ക്ക് സംമ്പൂര്‍ണ വിജയം. പടത്തുകടവ് ഹോളി ഫാമിലി സ്‌കൂള്‍, പേരാമ്പ്ര സെന്റ് ഫ്രാന്‍സീസ് ഇംഗ്ലീഷ് മീഡിയം സ്‌കൂള്‍ എന്നിവയാണ് നൂറു ശതമാനം വിജയം നേടിയത്. പടത്തുകടവില്‍ 86 കുട്ടികളാണ് പരീക്ഷ എഴുതിയത്.
ഇവരില്‍ മൂന്നു പേര്‍ എല്ലാ വിഷയങ്ങളിലും എ പ്ലസ് നേടി. സെന്റ് ഫ്രാന്‍സീസില്‍ 22 കുട്ടികളാണ് പരീക്ഷ എഴുതിയത്. ഇതില്‍ രണ്ടു വിദ്യാര്‍ഥികള്‍ക്ക് മുഴവന്‍ എ പ്ലസ് ലഭിച്ചു. ഇവിടുത്തെ ആദ്യ എസ്.എസ്.എല്‍.സി ബാച്ചാണിത്.