മേപ്പയൂര്‍: മധ്യവയസ്‌കയായ വീട്ടമ്മയെ പീഡിപ്പിച്ചതായി പരാതി. മേപ്പയൂര്‍ പഞ്ചായത്തിലെ കൊഴുക്കല്ലൂര്‍ സ്വദേശി വഹാബിനെതിരേയാണ് ഭര്‍തൃമതിയും നാലു കുട്ടികളുടെ മാതാവുമായ സ്ത്രീ മേപ്പയൂര്‍ എസ്.ഐ ജി.എസ് അനിലിന് പരാതി നല്‍കിയത്. 2017 ഫെബ്രുവരി ഒന്നിനും 15നുമിടയില്‍ വഹാബിന്റെ വീട്ടില്‍ വെച്ചാണത്രെ പീഡനം നടന്നത്. ഭയം കാരണം സംഭവം പുറത്തു പറയാന്‍ സാധിക്കാതിരുന്ന സ്ത്രീ കടുത്ത മാനസിക പ്രയാസത്തിലാവുകയും പിന്നീട് ഭര്‍ത്താവിനോട് ഇതെകുറിച്ച് പറയുകമായിരുന്നു.
മേപ്പയൂര്‍ പൊലിസ് കേസ് രജിസ്റ്റര്‍ ചെയ്തു. സംഭവത്തിന് ശേഷം പ്രതി വിദേശത്തേക്ക് കടന്നതായും ഊര്‍ജിതമായി അന്വേഷണം നടക്കുകയാണെന്നും എസ്.ഐ ജി.എസ് അനില്‍ പറഞ്ഞു.