ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ മാഞ്ചസ്റ്റര്‍ സിറ്റി കിരീടം നിലനിര്‍ത്തി. ലീഗില്‍ ഇന്നലെ നടന്ന അവസാനമത്സരത്തില്‍ ബ്രൈറ്റണെ 4-1 എന്ന സ്‌കോറിന് പരാജയപ്പെടുത്തിയാണ് സിറ്റി ഇംഗ്ലീഷ് പ്രീമിയര്‍ ലീഗില്‍ കിരീടം നിലനിര്‍ത്തിയത്.
അവസാന റൗ@ണ്ട് മത്സരങ്ങള്‍ തുടങ്ങുമ്പോള്‍ 95 പോയിന്റുമായി മാഞ്ചസ്റ്റര്‍ സിറ്റി ഒന്നാമതും 94 പോയിന്റുമായി ലിവര്‍പൂള്‍ ര@ണ്ടാമതും ആയിരുന്നു. മാഞ്ചസ്റ്റര്‍ സിറ്റി എവേ മത്സരത്തില്‍ ബ്രൈറ്റണെയും ലിവര്‍പൂള്‍ ഹോം മത്സരത്തില്‍ വോള്‍വ്‌സിനെയും നേരിടാന്‍ ഇറങ്ങി. ലിവര്‍പൂളിന് ചാംപ്യന്‍മാരാകണമെങ്കില്‍ വോള്‍വ്‌സിനെതിരേ ജയവും സിറ്റിക്ക് സമനിലയോ തോല്‍വിയോ വേണമായിരുന്നു. എന്നാല്‍ വലിയ മാര്‍ജിനില്‍ ജയിച്ചതോടെ സിറ്റി ലിവര്‍പൂളിന്റെ കിരീട മോഹങ്ങള്‍ അവസാപ്പിക്കുകയായിരുന്നു. മത്സരത്തിന്റെ തുടക്കത്തില്‍ ആദ്യം ബ്രൈറ്റണെതിരേ സിറ്റി ഗോള്‍ വഴങ്ങി. ഇതോടെ പെപും സംഘവും പ്രതിരോധത്തിലായി.

ഇപ്പുറത്ത് ലിവര്‍പൂള്‍ ഒരു ഗോളിന് മുന്നിലെത്തുകയും ചെയ്തു. ഇതോടെ ആന്‍ഫീല്‍ഡില്‍ ആവേശത്തിന്റെ തിരയിളക്കം തുടങ്ങി.
എന്നാല്‍ അധികം വൈകാതെ സിറ്റി ഗോള്‍ തിരിച്ചടിച്ച് സമനില പാലിച്ചു. പിന്നീട് കൃത്യമായ ഇടവേളകളില്‍ സിറ്റി ഗോളുകള്‍ നേടിക്കൊണ്ടിരുന്നു. ലീഗ് മത്സരങ്ങള്‍ പൂര്‍ത്തിയായപ്പോള്‍ 38 മത്സരങ്ങളില്‍ നിന്ന് 98 പോയിന്റുമായാണ് ലീഗില്‍ സിറ്റി ഒന്നാമത് ഫിനിഷ് ചെയ്തത്.

97 പോയിന്റുമായി ലിവര്‍പൂള്‍ ലീഗില്‍ ര@ണ്ടാമതും ഫിനിഷ് ചെയ്തു. ലിവര്‍പൂളിന്റെ ആദ്യ പ്രീമിയര്‍ ലീഗ് കിരീടം എന്ന സ്വപ്നം ഇതോടെ ഇനിയും നീളും. തുടര്‍ച്ചയായ രണ്ട@ാം പ്രീമിയര്‍ ലീഗ് കിരീടമാണ് മാഞ്ചസ്റ്റര്‍ സിറ്റി സ്വന്തമാക്കിയത്. സിറ്റിയുടെനാലാമത്തെയും പ്രീമിയര്‍ ലീഗ് കിരീട നേട്ടമാണിത്. 38 മത്സരത്തില്‍നിന്ന് 72 പോയിന്റുമായി ചെല്‍സി മൂന്നാം സ്ഥാനത്തും 71 പോയിന്റുമായി ടോട്ടനം നാലാം സ്ഥാനത്തും ഫിനിഷ് ചെയ്തു.
പ്രീമിയര്‍ ലീഗില്‍നിന്ന് മാഞ്ചസ്റ്റര്‍ സിറ്റി, ലിവര്‍പൂള്‍, ചെല്‍സി, ടോട്ടനം എന്നിവര്‍ ചാംപ്യന്‍സ് ലീഗിലേക്ക് യോഗ്യത നേടി. 70 പോയിന്റുള്ള ആഴ്‌സനല്‍ അഞ്ചാം സ്ഥാനത്ത് ഫിനിഷ് ചെയ്ത് യൂറോപ്പാ ലീഗിനും യോഗ്യത നേടി. അവസാന മത്സരത്തില്‍ കാര്‍ഡിഫ് സിറ്റിയോട് എതിരില്ലാത്ത രണ്ട് ഗോളിന് പരാജയപ്പെട്ട മാഞ്ചസ്റ്റര്‍ യുനൈറ്റഡ് 66 പോയിന്റുമായി ആറാം സ്ഥാനത്തും ഫിനിഷ് ചെയ്തു.