തൊടുപുഴ: സംസ്ഥാന ഹജ്ജ് കമ്മറ്റി മുഖേന ഈ വര്‍ഷം ഇടുക്കി ജില്ലയില്‍ നിന്നും തെരഞ്ഞെടുക്കപ്പെട്ട ഹാജിമാര്‍ക്കും വെയ്റ്റിങ് ലിസ്റ്റിലെ ആദ്യ 500 പേരില്‍ ഉള്‍പ്പെട്ടവര്‍ക്കുമുള്ള ഏകദിന ഹജ്ജ് സാങ്കേതിക പഠന ക്ലാസ് നാളെ കാരിക്കോട് നൈനാര്‍ പള്ളി ഓഡിറ്റോറിയത്തില്‍ നടക്കും.
സംസ്ഥാന ഹജ്ജ് കമ്മിറ്റി ജില്ലാ ട്രെയ്‌നര്‍ അബ്ദുറഹ്മാന്‍ പുഴക്കര അധ്യക്ഷത വഹിക്കും. മാസ്റ്റര്‍ ട്രെയ്‌നര്‍ എന്‍.പി ഷാജഹാന്‍ പഠന ക്ലാസ് നയിക്കും. സംസ്ഥാന ഹജ്ജ് കമ്മറ്റി അംഗം മുഹമ്മദ് ബാബു സേട്ട്, ജില്ലാ ട്രെയ്‌നര്‍ ഇന്‍ ചാര്‍ജ് മുഹമ്മദ് ഇഖ്ബാല്‍, വി.കെ അബ്ദുറസാഖ്, പി.ഇ അബ്ദുറസാഖ്, പി.പി നിസാര്‍, കെ.എ കാസിം, ഷേക്ക് മുഹമ്മദ്, പി.എ ഷമീര്‍, പി.എസ് മുഹമ്മദ് പ്രസംഗിക്കും.