ദോഹ: ഇന്ത്യയും ഖത്തറും തമ്മിലുള്ള ബന്ധം ഊഷ്മളമാണെന്ന് ഗള്‍ഫ് ടൈംസ് ചീഫ് എഡിറ്റര്‍ ഫൈസല്‍ അബ്ദുല്‍ ഹമീദ് അല്‍മുദാഹക. ദോഹയില്‍ സമസ്ത കേരള ജംഇയ്യത്തുല്‍ ഉലമ പ്രസിഡന്റും സുപ്രഭാതം ചെയര്‍മാനുമായ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങളുമായി ചര്‍ച്ച നടത്തുകയായിരുന്നു അദ്ദേഹം.
കേരളത്തില്‍ വരാന്‍ ആഗ്രഹമുണ്ടെന്നും മലയാളികള്‍ ഖത്തറിന്റെ വളര്‍ച്ചയില്‍ നിസ്തുലമായ പങ്കുവഹിക്കുന്നവരാണെന്നും അദ്ദേഹം അഭിപ്രായപ്പെട്ടു. ഖത്തറില്‍ സുപ്രഭാതത്തിന്റെ എഡിഷന്‍ ആരംഭിക്കുന്നതിന് എല്ലാവിധ പിന്തുണയും അദ്ദേഹം വാഗ്ദാനം ചെയ്തു.