തിരുവനന്തപുരം: ഗായകനും സംഗീതജ്ഞനുമായ ജെ.എം.രാജുവിന്റെ നാദമയൂഖങ്ങള്‍ എന്ന പുസ്തകത്തിന്റെ പ്രകാശനം ഇന്ന് വൈകിട്ട് നടക്കും. തിരുവനന്തപുരം പ്രസ്‌ക്ലബില്‍ വൈകിട്ട് 4നാണ് പരിപാടി. സംവിധായകന്‍ ബാലചന്ദ്രമേനോന്‍ പ്രൊഫ.ജോര്‍ജ് ഓണക്കൂറിന് പുസ്തകം കൈമാറിക്കൊണ്ട് പ്രകാശനം നിര്‍വ്വഹിക്കും. പ്രൊഫസര്‍ അലിയാര്‍, രവി മേനോന്‍, വി.കെ.ജോസഫ്, അബൂബക്കര്‍ എന്നിവര്‍ പരിപാടിയില്‍ പങ്കെടുക്കും. ചിന്താ പബ്ലിക്കേഷന്‍സ് ആണ് പുസ്തകം പ്രസിദ്ധീകരിച്ചിരിക്കുന്നത്. അന്തരിച്ച പിന്നണി ഗായിക ശാന്താ പി.നായരുടെ എട്ടാം ചരമവാര്‍ഷികത്തിന്റെ അനുസ്മരണവും ചടങ്ങില്‍ നടക്കും.