വടക്കാഞ്ചേരി: എസ്.എസ്.എല്‍.സി പരീക്ഷാ ഫലം പ്രഖ്യാപിച്ചപ്പോള്‍ വടക്കാഞ്ചേരി മേഖലയിലെ സ്‌കൂളുകള്‍ക്ക് മിന്നുന്ന നേട്ടം. പാഞ്ഞാള്‍ ഗവണ്‍മെന്റ് സ്‌കൂള്‍, കുണ്ടുകാട് നിര്‍മ്മല, അത്താണി ജെ.എം.ജെ, വടക്കാഞ്ചേരി ക്ലേലിയ സ്‌കൂളുകള്‍ നൂറ് ശതമാനം വിജയം കൊയ്തപ്പോള്‍ മറ്റ് സ്‌കൂളുകള്‍ വിജയശതമാനം മുന്‍ വര്‍ഷത്തെ അപേക്ഷിച്ച് ഉയര്‍ത്തി. പാഞ്ഞാള്‍ സ്‌കൂളില്‍ 208ല്‍ 208 പേരും വിജയിച്ചു.
ക്ലേലിയ 25, കുണ്ടുകാട് നിര്‍മ്മല 295, അത്താണി ജെ.എം.ജെ 132 എന്നിങ്ങനെയാണ് നൂറ് ശതമാന വിജയ നേട്ടം. വടക്കാഞ്ചേരി ബോയ്‌സില്‍ 172 പേര്‍ പരീക്ഷയെഴുതിയപ്പോള്‍ 166 പേര്‍ വിജയിച്ചു ഗേള്‍സില്‍ 235 പേരില്‍ 229 പേരും ചേലക്കര എസ്.എം.ടിയില്‍ 416 പേരില്‍ 372 പേരും വിജയം നേടി. ചേലക്കര ലിറ്റില്‍ ഫ്‌ലവര്‍ സ്‌കൂളില്‍ ഒരു കുട്ടിയുടെ പരാജയം സ്റ്റൂളിന് നൂറ് ശതമാനം വിജയം നഷ്ടപ്പെടുത്തി. 367 പേര്‍ പരീക്ഷയെഴുതിയപ്പോള്‍ 366 പേരും വിജയിച്ചു. പങ്ങാരപിള്ളിയില്‍ 160 പേരില്‍ 156 പേരാണ് വിജയിച്ചത്. ചെറുതുരുത്തി ഹൈസ്‌കൂളില്‍ 425 വിദ്യാര്‍ഥികളാണ് പരീക്ഷയെഴുതിയത്. 381 പേര്‍ വിജയിച്ചു. മുള്ളൂര്‍ക്കര എന്‍.എസ്.എസ് സ്‌കൂളില്‍ 231 പേരില്‍ 202 പേര്‍ മാത്രമാണ് വിജയിച്ചത്. ദേശമംഗലം 206 ല്‍ 184, മുണ്ടത്തിക്കോട് എന്‍എസ്എസ് സ്‌കൂള്‍ 114 പേരില്‍ 112 എന്നിങ്ങനെയാണ് വിജയം. മച്ചാട് ഗവണ്‍മെന്റ് സ്‌കൂളില്‍ ഇത്തവണ നൂറ് ശതമാനം വിജയം നഷ്ടപ്പെടുത്തിയത് രണ്ട് കുട്ടികളുടെ പരാജയമാണ്. 125 പേര്‍ പരീക്ഷയെഴുതിയപ്പോള്‍ 123 പേരും വിജയം നേടി. വരവൂര്‍ സ്‌കൂളില്‍ 301 പേര്‍ പരീക്ഷയെഴുതിയപ്പോള്‍ 278 പേര്‍ മാത്രമാണ് വിജയിച്ചത് ആര്യംപാടം സര്‍വ്വോദയം സ്‌കൂളില്‍ 90 പേര്‍ പരീക്ഷയെഴുതിയപ്പോള്‍ 84 പേര്‍ വിജയം നേടി.