ആലപ്പുഴ: കേരളാ കോണ്‍ഗ്രസ് മാണി വിഭാഗവുമായുള്ള ചര്‍ച്ച അടഞ്ഞ അധ്യായമെന്ന് കെ.പി.സി.സി അധ്യക്ഷന്‍ എം.എം ഹസന്‍.
ഇക്കാര്യത്തില്‍ അണികളുടെ അഭിപ്രായം മാനിക്കും. ഇത്രയും രാഷ്ട്രീയവഞ്ചന നടത്തിയ ഒരാളെ ഒപ്പംനിര്‍ത്തുക അസാധ്യമാണ്. മാണിയെ യു.ഡി.എഫിലെത്തിക്കാന്‍ ഏറ്റവുമധികം സമ്മര്‍ദ്ദം ചെലുത്തിയത് കോണ്‍ഗ്രസായിരുന്നു. ഇനി അതുണ്ടാകില്ല.
സര്‍ക്കാര്‍ സമസ്ത മേഖലയിലും പരാജയമാണ്. പൊലിസില്‍ വന്‍ അഴിച്ചുപണി നടത്തിയത് അന്വേഷിക്കണം. സുതാര്യമായി നടന്നുവന്നിരുന്ന പ്രധാന കേസുകളെല്ലാം ഇതോടെ അട്ടിമറിക്കപ്പെട്ടു. സി.പി.എം ഇപ്പോള്‍ സ്വന്തം ഭാര്യയെ സംശയിക്കുന്ന ഞെരമ്പ് രോഗിയായ ഭര്‍ത്താവിന് തുല്യമാണ്.
ഒരാളെപോലും വിശ്വാസമില്ല. സി.പി.ഐ ഞങ്ങളോടൊപ്പംചേര്‍ന്ന് ഭരിച്ചവരാണ്. അവര്‍ തെരുവില്‍ തല്ലുകൊള്ളുമ്പോള്‍ ഞങ്ങള്‍ക്ക് പ്രയാസമുണ്ടെന്നും അദ്ദേഹം പറഞ്ഞു.