മാള: കഴിഞ്ഞ എസ്.എസ്.എല്‍.സി പരീക്ഷയുടെ ഫലം വന്നപ്പോള്‍ മാള ഉപജില്ലയിലെ സര്‍ക്കാര്‍ ഹൈസ്‌കൂളുകള്‍ക്ക് മികച്ച നേട്ടം. കുഴൂര്‍ ഗവണ്‍മെന്റ് ഹൈസ്‌കൂളില്‍ പരീക്ഷയെഴുതിയ 30 കുട്ടികളും മികച്ച ഗ്രേഡോടെ വിജയിച്ച് സ്‌കൂളിനെ വീണ്ടും നൂറ് ശതമാനം വിജയത്തിലെത്തിച്ചു. 2011 -12 അധ്യയന വര്‍ഷം മുതല്‍ തുടര്‍ച്ചയായ നൂറ് ശതമാനം വിജയമാണ് കുഴൂര്‍ ഗവണ്‍മെന്റ് ഹൈസ്‌കൂള്‍ നേടി വരുന്നത്. ഐരാണിക്കുളം ഗവണ്‍മെന്റ് ഹൈസ്‌കൂളില്‍ പരീക്ഷയെഴുതിയ 27 കുട്ടികളും മികച്ച ഗ്രേഡോടെ നൂറു ശതമാനം വിജയം കൈവരിച്ചു. മേലഡൂര്‍ ഗവണ്‍മെന്റ് സമിതി ഹൈസ്‌കൂളില്‍ പരീക്ഷയെഴുതിയ 91 പേരും വിജയിച്ച് നൂറു ശതമാനത്തിലെത്തിച്ചു. ആറ് കുട്ടികള്‍ക്ക് എല്ലാ വിഷയങ്ങളിലും എ പ്ലസ് നേടാനായി. പുത്തന്‍ചിറ ഗവണ്‍മെന്റ് ഹൈസ്‌കൂളില്‍ പരീക്ഷയെഴുതിയ 111 കുട്ടികളില്‍ 106 പേരും വിജയിച്ചു. ആറ് കുട്ടികള്‍ എല്ലാ വിഷയങ്ങള്‍ക്കും എ പ്ലസ് നേടി. തെക്കന്‍ താണിശ്ശേരി സെന്റ് ആന്റണീസ് ഹൈസ്‌കൂളില്‍ പരീക്ഷയെഴുതിയ 53 കുട്ടികളും വിജയിച്ചു. രണ്ട് കുട്ടികള്‍ എല്ലാ വിഷയങ്ങള്‍ക്കും എ പ്ലസ് നേടി. മാമ്പ്ര യൂണിയന്‍ ഹൈസ്‌കൂളില്‍ പരീക്ഷയെഴുതിയ 95 കുട്ടികളും വിജയിച്ചു. ഒരു കുട്ടിക്ക് എല്ലാ വിഷയങ്ങള്‍ക്കും എ പ്ലസ് നേടാനായി. പാലിശ്ശേരി എസ്.എന്‍.ഡി.പി ഹൈസ്‌കൂളില്‍ പരീക്ഷയെഴുതിയ 170 കുട്ടികളില്‍ 168 കുട്ടികള്‍ വിജയിച്ചു.
ഏഴ് കുട്ടികള്‍ എല്ലാ വിഷയങ്ങളിലും എ പ്ലസ് നേടി. അഷ്ടമിച്ചിറ ഗാന്ധി സ്മാരക ഹൈസ്‌കൂളില്‍ പരീക്ഷയെഴുതിയ 97 കുട്ടികളില്‍ 95 കുട്ടികള്‍ വിജയിച്ച് 98 ശതമാനം വിജയത്തിലെത്തിച്ചു. പൊയ്യ എ.കെ.എം ഹൈസ്‌കൂളില്‍ പരീക്ഷയെഴുതിയ 143 കുട്ടികളില്‍ 139 പേര്‍ വിജയിച്ച് 99 ശതമാനം വിജയം കൈവരിച്ചു.