കരിമണ്ണൂര്‍: അധ്യാപക ദിനത്തിലെ ശമ്പളം ദുരിതാശ്വാസ നിധിയിലേയ്ക്ക് നല്‍കി വിന്നേഴ്‌സ് പബ്ലിക് സ്‌കൂളിലെ അധ്യാപകര്‍.
വിദ്യാര്‍ഥികള്‍ സ്വരൂപിച്ച ഫണ്ടും ദുരിതാശ്വാസ നിധിയിലേയ്ക്ക് നല്‍കി. ഫണ്ട് സീനിയര്‍ അധ്യാപിക ആന്‍സി ബേബി, സ്‌കൂള്‍ മാനേജര്‍ എം.പി വിജയനാഥനു കൈമാറി. സ്‌കൂള്‍ പ്രിന്‍സിപ്പല്‍ ലിന്റോ ആന്‍ഡ്രൂസ് അദ്ധ്യക്ഷത വഹിച്ചു. വിദ്യാര്‍ഥികള്‍ പൂച്ചെണ്ടും മെഡലും നല്‍കി അധ്യാപകരെ ആദരിച്ചു. മാനേജര്‍ എം.പി വിജയനാഥന്‍ സന്ദേശം നല്‍കി.