ഗൂഡല്ലൂര്‍: ജി.ടി.എം.ഒ സയ്യിദ് മുഹമ്മദ് അലി ശിഹാബ് തങ്ങള്‍ അറബിക് കോളജില്‍ പുതിയ അധ്യയന വര്‍ഷത്തേക്ക് അപേക്ഷകള്‍ ക്ഷണിച്ചു. സ്‌കൂള്‍ എട്ടാം തരവും മദ്‌റസ ഏഴാം തരമോ തത്തുല്യ യോഗ്യതയോ ഉള്ള കുട്ടികള്‍ക്കാണ് പ്രവേശനം. രണ്ടാം വര്‍ഷം സ്റ്റേറ്റ് ബോര്‍ഡ് സിലബസ്  പ്രകാരമുള്ള എസ്.എസ്.എല്‍.സിയും നാലാം വര്‍ഷം പ്ലസ്ടുവും തുടര്‍ന്ന് ഇംഗ്ലീഷ് സാഹിത്യത്തില്‍ ഡിഗ്രിയും എഴുതാന്‍ അവസരമുണ്ട്. എട്ട് വര്‍ഷ മുഖ്തസ്വര്‍ കോഴ്‌സിന് ശേഷം പട്ടിക്കാട് ജാമിഅ:യില്‍ നിന്ന് രണ്ട് വര്‍ഷം കൊണ്ട് ഫൈസി ബിരുദവും നേടാം. ഈമാസം പത്തിന് രാവിലെ പത്തിന് ദേവര്‍ഷോലയിലെ കോളജില്‍ വച്ച്  പ്രവേശന പരീക്ഷ നടക്കും. അതിന് മുന്‍പായി പൂരിപ്പിച്ച അപേക്ഷകള്‍ സ്വീകരിക്കുന്നതാണ്. വിശദ വിവരങ്ങള്‍ക്ക് ഫോണ്‍: 04262 222308, 09585837486