കല്ലമ്പലം: കെ.ടി.സി.ടിക്കു കീഴിലുള്ള ഏഴു മദ്രസകളുടെ സംയുക്ത പ്രവേശനോത്സവം പ്രസിഡന്റ്  ഇ. ഫസിലുദ്ദീന്‍   ഉദ്ഘാടനം ചെയ്തു.  സെന്‍ട്രല്‍ മദ്രസ, പുത്തന്‍കോട്, പറങ്കിമാംവിള, തോട്ടക്കാട് പാലം, ചപ്പാത്ത്മുക്ക്, പുരവൂര്‍ക്കോണം, ചാത്തന്‍പാറ തുടങ്ങിയ മദ്രസകളുടെ പ്രവേശനോത്സവമാണ്  വിവിധപരിപാടികളോടെ നടന്നത്. തുടര്‍ന്നു റാങ്ക് ജേതാക്കളെ അനുമോദിക്കല്‍, സൗജന്യപാഠപുസ്തകവിതരണം, അധ്യാപകരെ ആദരിക്കല്‍, സാംസ്‌കാരിക സമ്മേളനം എന്നിവയും നടന്നു. കെ.ടി.സി.ടി ചീഫ് ഇമാം ഷെഫീഖ് അല്‍ഖാസിമി, എ. നഹാസ്, എ.എം.റഹീം, എ.ഷാജഹാന്‍, എം.എസ്.ഷെഫീര്‍ തുടങ്ങിയവര്‍ പ്രസംഗിച്ചു.