തിരുവനന്തപുരം: സംസ്ഥാനത്ത് കള്ള വോട്ട് നടന്നുവെന്ന് ആരോപണ മുയര്‍ന്ന നാല് ബൂത്തുകളില്‍ റീ പോളിങ്ങ്.
കാസര്‍കോട്ടെ  മൂന്ന് ബൂത്തുകളിലും. കണ്ണൂരിലെ ഒരു ബൂത്തിലുമാണ് റീ പോളിങ്ങ് നടക്കുന്നത്. ഞായറാഴ്ചയാണ് റീ പോളിങ്ങ്.

കാസര്‍കോട് കല്യാശ്ശേരിയിലെ ബൂത്ത് നമ്പര്‍ 19, 69, 70, കണ്ണൂര്‍ തളിപ്പറമ്പ് പാമ്പുരുത്തിയിലെ ബൂത്ത് നമ്പര്‍ 166 എന്നീ ബൂത്തുകളിലാണ് റീ പോളിങ് നടക്കുന്നത്. ഞായറാഴ്ച രാവിലെ 7 മണിമുതല്‍ വൈകീട്ട് 6 മണി വരെയാണ് റീ പോളിങ് സമയം. നാളെ വൈകീട്ട് വരെ പരസ്യപ്രചാരണത്തിന് അനുമതിയുണ്ട്. റീ പോളിങിനെ സ്വാഗതം ചെയ്യുന്നതായി കാസര്‍കോട്ടെ സ്ഥാനാര്‍ഥികള്‍ അറിയിച്ചു.