തിരുവനന്തപുരം: കെ.പി.സി.സിയുടെ 96 സെക്രട്ടറിമാര്‍ ഇന്നലെ ചുമതലയേറ്റു.
കെ.പി.സി.സി ആസ്ഥാനത്ത് നടന്ന ചടങ്ങ് പ്രതിപക്ഷനേതാവ് രമേശ് ചെന്നിത്തല ഉദ്ഘാടനം ചെയ്തു. കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്‍ പുതുതായി ചുമതല ഏറ്റെടുത്ത ഭാരവാഹികള്‍ക്ക് സത്യവാചകം ചൊല്ലിക്കൊടുത്തു. സാമജികത്വത്തിന്റെ സുവര്‍ണ ജൂബിലി ആഘോഷിക്കുന്ന എ.ഐ.സി.സി ജനറല്‍ സെക്രട്ടറി ഉമ്മന്‍ചാണ്ടിയെ ചടങ്ങില്‍ ആദരിച്ചു.
മുന്‍ കെ.പി.സി.സി പ്രസിഡന്റ് എം.എം.ഹസ്സന്‍, രാജ്‌മോഹന്‍ ഉണ്ണിത്താന്‍ എം.പി, വൈസ് പ്രസിഡന്റുമാരായ ഡോ.ശൂരനാട് രാജശേഖരന്‍, മണ്‍വിള രാധാകൃഷ്ണന്‍, ജനറല്‍ സെക്രട്ടറിമാരായ കെ.പി.അനില്‍കുമാര്‍, പാലോട് രവി, മണക്കാട് സുരേഷ് തുടങ്ങിയവര്‍ പങ്കെടുത്തു.