വളാഞ്ചേരി (മലപ്പുറം): ഇരിമ്പിളിയം പുറമണ്ണൂരില്‍ പുഴയില്‍ കുളിക്കാനിറങ്ങിയ യുവാവിനെ ഒഴുക്കില്‍പ്പെട്ട് കാണാതായി. കൂത്തുപറമ്പ് പാച്ചപൊയ്ക പുലമുള്ളപറമ്പത്ത് ഹൗസില്‍ കുഞ്ഞികൃഷ്ണന്റെ മകന്‍ വിപിനാണ് (30) ഒഴുക്കില്‍പ്പെട്ടത്. ഇന്നലെ വൈകുന്നേരത്തോടെ സുഹൃത്തുക്കളുമൊത്ത് പുഴയില്‍ കുളിക്കാനെത്തിയ വിപിന്‍ ഒഴുക്കില്‍പ്പെടുകയായിരുന്നു. സുഹൃത്തുക്കള്‍ രക്ഷിക്കാന്‍ ശ്രമിച്ചെങ്കിലും ശക്തമായ ഒഴുക്ക് കാരണം വിപിന്‍ മുങ്ങിപ്പോയി. തിരൂരില്‍ നിന്നുള്ള അഗ്നിശമന സേനയും മുങ്ങല്‍ വിദഗ്ധരുമെത്തി രാത്രി വൈകിയും തെരച്ചില്‍ തുടര്‍ന്നു. പെരിന്തല്‍മണ്ണയിലെ എ.സി.വി ചാനല്‍ നെറ്റ്‌വര്‍ക്കിലെ ജീവനക്കാരനാണു വിപിന്‍.