പിലാത്തറ: കാസര്‍കോട്ടെ യു.ഡി.എഫ് സ്ഥാനാര്‍ഥി രാജ്‌മോഹന്‍ ഉണ്ണിത്താന്റെ പ്രചാരണം സി.പി.എം പ്രവര്‍ത്തകര്‍ തടഞ്ഞു. ചെറുതാഴം പഞ്ചായത്തിലെ ബൂത്തുകളില്‍ റീപോളിങ്ങിന്റെ ഭാഗമായി പ്രചാരണം നടത്തവെയാണ് സംഭവം. മാധ്യമപ്രവര്‍ത്തകര്‍ക്ക് നേരെയും ആക്രമണമുണ്ടായി. ഏഷ്യാനെറ്റ് വാര്‍ത്താസംഘത്തിന് നേരെയാണ് ആക്രമണമുണ്ടായത്. പൊലിസ് നോക്കിനില്‍ക്കെയാണ് അക്രമം നടന്നത്.

ഇന്നലെ വൈകിട്ട് പിലാത്തറയില്‍ കൊട്ടിക്കലാശത്തിന്റെ ഭാഗമായി പ്രചാരണം നടത്തവെയാണ് യു.ഡി.എഫ് സ്ഥാനാര്‍ഥി രാജ്‌മോഹന്‍ ഉണ്ണിത്താനെ സി.പി.എം പ്രവര്‍ത്തകര്‍ സംഘടിച്ചെത്തി തടഞ്ഞത്. അക്രമത്തിനുപിന്നില്‍ സി.പി.എം പ്രവര്‍ത്തകരാണെന്ന് യു.ഡി.എഫ് നേതൃത്വം ആരോപിച്ചു.