കാബൂള്‍: താലിബാനുമായുള്ള സംഘര്‍ഷത്തിന്റെ പശ്ചാത്തലത്തില്‍ അഫ്ഗാനില്‍ ശത്രുവെന്ന് തെറ്റിദ്ധരിച്ച് എട്ടു പൊലിസുകാരെ സൈന്യം ബോംബിട്ട് കൊന്നു.
ദക്ഷിണ മേഖലയിലുള്ള ലാഷ്‌കറിലാണ് സംഭവം.
അഫ്ഗാന്‍ സൈന്യവും സഹായത്തിനെത്തിയ യു.എസ് വ്യോമസേനയും സംയുക്തമായി നടത്തിയ സൈനിക നീക്കത്തിലാണ് അഫ്ഗാന്റെ തന്നെ പൊലിസുകാരെ കൊലപ്പെടുത്തിയത്.
11 പൊലിസുകാര്‍ക്ക് പരുക്കേറ്റിട്ടുമുണ്ട്.
താലിബാനെതിരേ പോരാടുന്ന പൊലിസുകാരാണ് കൊല്ലപ്പെട്ടത്.