ചാലക്കുടി: ലയപ്രിയ സ്‌കൂള്‍ ഓഫ് മ്യൂസിക് ആന്റ് ഡാന്‍സിന്റെ പത്താം വാര്‍ഷികാഘോഷം ജൂണ്‍ 10ന് സി.കെ.എം.എന്‍.എസ്.എസ്.സ്‌കൂളില്‍ നടത്തും. രാവിലെ 9ന് നടത്തുന്ന സാംസ്‌ക്കാരിക സമ്മേളനം ബി.ഡി.ദേവസ്സി എം.എല്‍.എ.ഉദ്ഘാടനം ചെയ്യും. ബ്രാഹ്മണസഭ പ്രസിഡന്റ് ആര്‍.പരമേശ്വരഅയ്യര്‍ അധ്യക്ഷനാകും. ഇന്നസെന്റ് എം.പി.മുഖ്യാതിഥിയാകും. തൃപ്പൂണിത്തറ സംഗീത കോളജ് റിട്ട.പ്രിന്‍സിപ്പല്‍ തിരുവനന്തപുരം എം.ബാലസുബ്രഹ്മണ്യം അനുഗ്രഹ പ്രഭാഷണം നടത്തും. നഗരസഭ ചെയര്‍പേഴ്‌സണ്‍ ഉഷ പരമേശ്വരന്‍ നൃത്തസംഗീത വിദ്യാലയത്തിലെ അധ്യാപകരെ ആദരിക്കും. മുന്‍ എം.എല്‍.എ. ടി.യു രാധാകൃഷ്ണന്‍ മത്സര വിജയികള്‍ക്കുള്ള സമ്മാനങ്ങള്‍ വിതരണം ചെയ്യും.