ന്യൂഡല്‍ഹി: വിവിധ കേസുകളില്‍ അറസ്റ്റിലായ മാവോയിസ്റ്റ് നേതാവ് സബ്യസാചി പാണ്ഡക്ക് ജീവപര്യന്തം തടവ് ശിക്ഷ.
സര്‍ക്കാര്‍ ഉദ്യോഗസ്ഥരെ ബലം പ്രയോഗിച്ച് തടഞ്ഞുവെക്കുക, ജോലി തടസ്സപ്പെടുത്തുക തുടങ്ങിയ കുറ്റകൃത്യങ്ങളുള്‍പ്പെടെ നിരവധി കേസുകള്‍ക്കാണ് ഒഡീഷയിലെ ബെര്‍ഹാംപൂര്‍ കോടതി അഡീഷണല്‍ ജില്ലാ മജിസ്‌ട്രേറ്റ് സഞ്ജയ് സാഹു ശിക്ഷ വിധിച്ചത്. വിവിധ വകുപ്പുകളിലായി 25000 രൂപ പാണ്ഡ പിഴയടക്കണമെന്നും കോടതി വിധിച്ചു.

സര്‍ക്കാറിനെതിരെ ആക്രമണം നടത്താന്‍ പ്രതിഫലം നല്‍കിയെന്നതാണ് പാണ്ഡക്കെതിരെയുള്ള കുറ്റം. 2014 ലാണ് പാണ്ഡ ഒളിവില്‍ കഴിഞ്ഞിരുന്ന വീട്ടില്‍ നിന്ന് പിടിക്കപ്പെടുന്നത്.