തിരുവനന്തപുരം: കൊവിഡ് പ്രതിരോധം മുന്‍നിര്‍ത്തി സര്‍ക്കാരിനെതിരായ പ്രത്യക്ഷ സമരം അവസാനിപ്പിക്കാനുള്ള തീരുമാനത്തില്‍ മാറ്റംവരുത്തി യു.ഡി.എഫ്. കൊവിഡ് മാനദണ്ഡങ്ങള്‍ പാലിച്ച് സമരത്തിനിറങ്ങുമെന്ന് യു.ഡി.എഫ് കണ്‍വീനര്‍ എം എം ഹസന്‍ അറിയിച്ചു.

12 ന് നിയോജകമണ്ഡലങ്ങളില്‍ അഞ്ചുപേര്‍ പങ്കെടുക്കുന്ന സമരം നടത്തും. ആള്‍ക്കൂട്ടവും പ്രകടനവും ഒഴിവാക്കിയാകും സമരമെന്നും അദ്ദേഹം അറിയിച്ചു.

കൊവിഡ് വ്യാപനം മുന്‍നിര്‍ത്തി പ്രത്യക്ഷ സമരങ്ങള്‍ അവസാനിപ്പിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തലയാണ് പ്രഖ്യാപിച്ചത്. യു.ഡി.എഫ് സമരം അവസാനിപ്പിച്ചതിനെതിരെ കെ.മുരളീധരന്‍ അടക്കമുള്ള നേതാക്കള്‍ പരസ്യപ്രതികരണവുമായി രംഗത്തെത്തിയിരുന്നു. ഈ സാഹചര്യത്തിലാണ് തീരുമാനം മാറ്റിയതെന്നാണ് സൂചന.