ചെന്നൈ: കേദാര്‍നാഥ് ക്ഷേത്രസന്ദര്‍ശനത്തിനുശേഷം രുദ്ര ഗുഹയില്‍ ധ്യാനമിരുന്ന പ്രധാനമന്ത്രി നരേന്ദ്രമോദിയെ ഫേസ്ബുക്കില്‍ പരിഹസിച്ച് നടന്‍ പ്രകാശ് രാജ്. മോദി നുണയനായ ലാമയാണെന്നായിരുന്നു പ്രകാശ് രാജിന്റെ പരിഹാസം.

'മോദി നുണയനായ ലാമയാണ്. ഒരു പഴ്‌സ് പോലുമില്ലാത്ത പ്രിയപ്പെട്ട സന്യാസി. വസ്ത്രശേഖരത്തിനും കാമറാസംഘത്തിനും ഫാഷന്‍ ഷോയ്ക്കും പണം ചെലവിടുന്നയാള്‍'. കഴിഞ്ഞദിവസം മോദി ധ്യാനത്തിലിരുന്ന വേളയിലും പ്രകാശ് രാജ് പരിഹാസംനിറഞ്ഞ ഫേസ്ബുക്ക് പോസ്റ്റുമായി രംഗത്തെത്തിയിരുന്നു. റോള്‍ കാമറ, ആക്ഷന്‍ എന്ന തലക്കെട്ടോടെയാണ് മോദി ധ്യാനത്തിലിരിക്കുന്ന ചിത്രം അദ്ദേഹം ഫേസ്ബുക്കില്‍ പങ്കുവച്ചത്.