നിലമ്പൂര്‍: എക്‌സൈസ് സംഘത്തിന്റെ നേതൃത്വത്തില്‍ നിലമ്പൂരില്‍ വീണ്ടും കഞ്ചാവ് വേട്ട. രണ്ടേക്കാല്‍ കിലോ കഞ്ചാവുമായി പെരിന്തല്‍മണ്ണ താഴേക്കോട് പൂവ്വത്താണി സ്വദേശി കുരുമുണ്ടക്കുന്ന് വീട്ടില്‍ സുരേഷാണ് (27) അറസ്റ്റിലായത്. 15 കിലോ കഞ്ചാവുമായി നാലു പേരെ വ്യാഴാഴ്ച അറസ്റ്റ് ചെയ്തതിനു ശേഷം നിലമ്പൂര്‍ റേഞ്ച് എക്‌സൈസ് സംഘം തുടര്‍കണ്ണികള്‍ക്കായി നടത്തിയ അന്വേഷണത്തിലാണ് ഇയാള്‍ പിടിയിലായത്.
നിലമ്പൂര്‍ റേഞ്ച് ഇന്‍സ്‌പെക്ടര്‍ കെ.ടി.സജിമോന്റെ നേതൃത്വത്തിലായിരുന്നു അറസ്റ്റ്. നിലമ്പൂര്‍ കെ.എസ്.ആര്‍.ടി.സി ഡിപ്പോ പരിസരത്ത് നിന്നാണ് ഇയാള്‍ ഇന്നലെ അറസ്റ്റിലായത്. ഇയാളില്‍ നിന്നും ലഭിച്ച വിവരത്തിന്റെ അടിസ്ഥാനത്തില്‍ ഇനിയും കൂടുതല്‍ അറസ്റ്റുകള്‍ ഉണ്ടാവുമെന്നാണ് സൂചന. അന്വേഷണ സംഘത്തില്‍ പ്രിവന്റീവ് ഓഫീസര്‍ റെജി തോമസ്, മുസ്തഫ ചോലയില്‍, സിവില്‍ എക്‌സൈസ് ഓഫിസര്‍മാരായ ജി.അഭിലാഷ്, എന്‍.കെ നസീറ എന്നിവരുമുണ്ടായിരുന്നു.
പ്രതിയെ കോടതിയില്‍ ഹാജരാക്കി റിമാന്‍ഡു ചെയ്തു.