അമ്പലപ്പുഴ: കാക്കാഴം റെയില്‍വെ മേല്‍പ്പാലത്തിലെ വഴിവിളക്കുകള്‍ കണ്ണടച്ചു. ഏതാനും മാസം മുന്‍പാണ് പാലത്തില്‍ അറുപതോളം പുതിയ ലൈറ്റുകള്‍ സ്ഥാപിച്ചത്.
കഴിഞ്ഞ ഒരാഴ്ചയായി ഇവ തെളിയുന്നില്ല. സാങ്കേതിക തകരാറാണ് ലൈറ്റുകള്‍ തെളിയാത്തതിന് കാരണമെന്ന് ഉദ്യോഗസ്ഥര്‍ പറയുന്നു. എന്നാല്‍ ഇതിന്റെ തകരാറ് പരിഹരിക്കാത്തതു മൂലം പാലം ഇരുട്ടിലായി.
ഇപ്പോള്‍ രാത്രിയിലും പാലത്തില്‍ അറ്റകുറ്റപ്പണി നടക്കുകയാണ്. പാലത്തില്‍ വഴിവിളക്കുകള്‍ തെളിയാത്തതുമൂലം അപകട സാദ്ധ്യതയും വര്‍ദ്ധിച്ചിരിക്കുകയാണ്.