എടത്വ: കുട്ടനാട് സൗത്ത് ബ്ലോക്ക് കോണ്‍ഗ്രസ് കമ്മിറ്റിയുടെ നേതൃത്വത്തില്‍ ഇന്ത്യന്‍ നാഷണല്‍ കോണ്‍ഗ്രസ് (ഐ) മെമ്പര്‍ഷിപ്പ് വിതരണ ബ്ലോക്ക് തല ഉദ്ഘാടനം നടന്നു. മുന്‍ മണ്ഡലം പ്രസിഡന്റ്  എം.എല്‍ ജേക്കബിന് ബൂത്ത് പ്രസിഡന്റ് വര്‍ക്കി ജോസഫ് മെമ്പര്‍ഷിപ്പ് നല്‍കി ഉദ്ഘാടനം നിര്‍വഹിച്ചു. ബ്ലോക്ക് പ്രസിഡന്റ് വി.കെ. സേവ്യര്‍ അധ്യക്ഷനായി. ഡി.സി.സി സെക്രട്ടറിമാരായ ജെ.റ്റി റാംസെ, രമണി എസ്. ഭാനു, മണ്ഡലം പ്രസിഡന്റ് ബിജു പാലത്തിങ്കല്‍, രഘു, അനിയന്‍കുഞ്ഞ്, വര്‍ഗീസ് കോലത്തുപറമ്പില്‍ എന്നിവര്‍ പ്രസംഗിച്ചു.