പാലക്കാട്: റജിസ്‌ട്രേഷന്‍ ചെയ്യുന്നതിനുള്ള ഫീസ് വര്‍ദ്ധിപ്പിച്ച സര്‍ക്കാര്‍ നടപടി പ്രതിഷേധാര്‍ഹമാണെന്ന് ദേശീയ കര്‍ഷകസമാജം ജില്ലാ ഭരണ സമിതിയോഗം അഭിപ്രായപ്പെട്ടു. കുടുംബാംഗങ്ങള്‍ തമ്മിലുള്ള ഭാഗപത്രം, ഇഷ്ടദാനം, സെറ്റില്‍മെന്റ് തുടങ്ങിയവ രജിസ്റ്റര്‍ ചെയ്യുന്നതിന് ഭാരിച്ച സംഖ്യ വരുന്നത് മൂലം പലരും അതില്‍നിന്ന് വിട്ടു നില്‍ക്കുകയാണ്. ഇത് ഏറ്റവും കൂടുതല്‍ പ്രതികൂലമായി ബാധിച്ചിട്ടുള്ളത് കര്‍ഷകരെയാണ്. ബജറ്റ് പ്രഖ്യാപനത്തില്‍ ധനമന്ത്രി കൊïുവന്ന പുതിയ നിര്‍ദ്ദേശത്തില്‍നിന്ന് സര്‍ക്കാര്‍ പിന്തിരിയണമെന്നും മുമ്പ് ഉïായിരുന്ന സ്ഥിതി പുനഃസ്ഥാപിക്കണമെന്നും യോഗം കേരളസര്‍ക്കാരിനോടാവശ്യപ്പെട്ടു. യോഗത്തില്‍ ജില്ലാ പ്രസിഡന്റ് കെ.എ പ്രഭാകരന്‍ മാസ്റ്റര്‍ അധ്യക്ഷത വഹിച്ചു. ജില്ലാ ജനറല്‍ സെക്രട്ടറി മുതലാംതോട് മണി, കെ.എ രാമകൃഷ്ണന്‍, സി.എസ് ഭഗവല്‍ദാസ്, എസ് സുഗതന്‍, കെ.എം ഹരിദാസ്, എം മോഹനന്‍, ദേവന്‍ ചെറാപറ്റ് എന്നിവര്‍ യോഗത്തില്‍ പങ്കെടുത്ത് സംസാരിച്ചു.