ഏവരും അക്ഷമയോടെ കാത്തിരിക്കുന്ന ക്രിക്കറ്റ് മാമാങ്കത്തിന് ഇനി എട്ടുനാള്‍. നാല് വര്‍ഷത്തിന്റെ ഇടവേളകളില്‍ വരുന്ന മഹാപൂരത്തിനായി എല്ലാ ടീമുകളും ഒരുങ്ങിക്കഴിഞ്ഞു. ഏറ്റവും മികച്ച 10 രാജ്യങ്ങളാണ് ലോകകപ്പില്‍ മാറ്റുരക്കുന്നത്. ഇംഗ്ലണ്ട്, ദക്ഷിണാഫ്രിക്ക, ഇന്ത്യ, ആസ്‌ത്രേലിയ, ന്യൂസിലന്‍ഡ്, പാകിസ്താന്‍, ബംഗ്ലാദേശ്, ശ്രീലങ്ക, അഫ്ഗാനിസ്ഥാന്‍, വെസ്റ്റ് ഇന്‍ഡീസ് എന്നീ ടീമുകളാണ് ലോകകപ്പില്‍ ഏറ്റുമുട്ടുന്നത്.

ഈ വെടിക്കെട്ട് പൂരത്തിന് ഏതാനും ദിവസങ്ങള്‍ മാത്രം ബാക്കി നില്‍ക്കെ ലോകകപ്പ് ചരിത്രത്തില്‍ ഏറ്റവും കൂടുതല്‍ റണ്‍സ് നേടിയ 10 താരങ്ങളെ നമുക്ക് പരിശോധിക്കാം.

ലോകകപ്പ് ചരിത്രത്തില്‍ ഏറ്റവും കൂടുതല്‍ റണ്‍സ് നേടിയത് സച്ചിന്‍ ടെന്‍ഡുല്‍ക്കറാണ്. 45 മത്സരങ്ങള്‍ കളിച്ച സച്ചിന്‍ 44 ഇന്നിങ്‌സുകളില്‍ നിന്നായി 2278 റണ്‍സാണ് സ്വന്തമാക്കിയത്. റിക്കി പോണ്ടിങ്, കുമാര്‍ സങ്കക്കാര, എന്നിവരാണ് രണ്ടും മൂന്നും സ്ഥാനങ്ങളില്‍.