ദുബൈ: പെരിന്തല്‍മണ്ണ മരുതല പ്രവാസികളുടെ ഗ്ലോബല്‍ കൂട്ടായ്മയായ YCM പ്രവാസി വിങ്ങിന്റെ യു.എ.ഇ ഘടകത്തിന്റെ ആഭിമുഖ്യത്തില്‍ കഴിഞ്ഞ ദിവസം യു.എ.ഇയിലെ ഗിയാത്തില്‍ വച്ച് ഹൃദയാഘാതത്താല്‍ മരിച്ച YCM പ്രവാസി വിങ് അംഗവും മരുതല സ്വദേശിയുമായ സിദ്ദിഖ് ആനിക്കാട്ടിലിന്റെ അനുസ്മരണവും മയ്യിത്ത് നിസ്‌കാരവും പ്രാര്‍ഥനയും അംഗങ്ങളുടെയും കുടുംബങ്ങളുടെയും സൗഹൃദ നോമ്പ് തുറയും ഉമ്മുല്‍-കുവൈനിലെ തലശ്ശേരി റെസ്റ്റോറന്റ് ഓഡിറ്റോറിയത്തില്‍ നടന്നു. ജാഫര്‍ ചെമ്മല സ്വാഗതം പറഞ്ഞ സംഗമത്തില്‍ സിദ്ദിഖ് ആനിക്കാട്ടില്‍ അധ്യക്ഷത വഹിച്ചു. പ്രവാസി വിങ് മുതിര്‍ന്ന നേതാവ് സൈദ് കളത്തില്‍, മണി ചെമ്മല, ബഷീര്‍ ആനിക്കാട്ടില്‍, സിയാദ് നലകത്ത്, മുഹമ്മദ് അലി കളത്തില്‍, ശരീഫ് തോപ്പില്‍, നൗഷാദ് ചെമ്മല എന്നിവര്‍ ആശംസാ പ്രഭാഷണം നടത്തി.

യു.എ.ഇ ഘടകത്തിന്റെ പ്രത്യേക ക്ഷണം സ്വീകരിച്ചു സംഗമത്തില്‍ പങ്കെടുക്കാന്‍ വന്ന സൗദിയിലെ YCM പ്രവാസി വിങ് അംഗവും മരുതല സ്വദേശിയുമായ ഷാമില്‍ ആനിക്കാട്ടില്‍ സംസാരിച്ചു. അന്‍വര്‍ കളത്തില്‍, സുബൈര്‍ കുപ്പൊടാന്‍, ഷബീര്‍, രഹനാസ് കളത്തില്‍, റഫീഖ് പറങ്ങാടന്‍, ഫൈറൂസ് ആനിക്കാട്ടില്‍, കാസിം കുപ്പൊടാന്‍, ഖാലിദ് ചെമ്മല എന്നിവര്‍ പരിപാടികള്‍ക്ക് നേതൃത്വം നല്‍കി. YCM പ്രവാസി വിങ്ങിന്റെ നേതൃത്വത്തില്‍ നാട്ടില്‍ നടക്കുന്ന ജീവകാരുണ്യ പ്രവര്‍ത്തികളെ കുറിച്ച് ജാഫര്‍ ചെമ്മല വിശദീകരിച്ചു. അബ്ദുല്‍ ഫത്താര്‍ ഉസ്താദിന്റെ നേതൃത്വത്തില്‍ പ്രത്യേക പ്രാര്‍ഥനയും നടത്തി. പ്രോഗ്രാം കണ്‍വീനര്‍ അന്‍വര്‍ കളത്തില്‍ പരിപാടിയില്‍ പങ്കെടുത്തവര്‍ക്ക് നന്ദി പറഞ്ഞു.